Jólatónleikar með Kristjáni Jóhannssyni í Skálholtsdómkirkju 15. desember kl 20:00

Jólatónleikar í Skálholtsdómkirkju fimmtudag 15. desember klukkan 20:00

Hátíðlegir jólatónleikar þar sem Skálholtskórinn, Kirkjukór Breiðabólstaðarprestakalls, Kirkjukór Odda- og Þykkvabæjarkirkju og Kirkjukór Landeyja koma saman í Skálholti og syngja þekktar perlur aðventu og jólatónlistar sem koma öllum í hatíðarskap.

Heiðursgestur á tónleikunum er Kristján Jóhannsson óperusöngvari sem syngur einsöng með kórunum.

Á tónleikunum munu kórarnir einnig syngja yndislega tónlist eftir John Rutter. Meðal verka sem flutt verða eru Ave María eftir Sigvalda Kaldalóns, Nóttin var sú ágæt ein, Guðs Kristni í heimi og Ó, helga nótt svo eitthvað sé nefnt.

Samtals eru um 80 kórsöngvarar sem syngja allir saman og líka í minni hópum. Jóhann I. Stefánsson leikur á trompet.

Organistarnir Jón Bjarnason og Guðjón Halldór Óskarsson stjórna kórunum og leika með á orgel.

Miðaverð 4000 kr - Miðasala við innganginn og á Tix.is